A variante de Alba, prioridade para os veciños de Lérez, que reelixen a Miguel Filgueira como presidente
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A nova directiva da asociación de veciños de Lérez quere reactivar un dilatado proxecto como é a variante de Alba. Para iso anuncian que van iniciar conversacións con outros colectivos veciñais da zona norte de Pontevedra para promover conxuntamente xestións coas administracións competentes no proxecto.
Argumentan que a construción da variante é fundamental para as parroquias de Alba, Cerponzóns, Mourente, Verducido, Santa María e San Adrés de Xeve e para Lérez na conexión con Poio, coa estrada de Vilagarcía, co acceso ao centro de saúde de Lérez e tamén con Montecelo.
Esta foi a primeira das prioridades que a asociación de veciños de Lérez se marca no inicio de xestión da nova directiva que volve presidir Miguel Filgueira.
Acompáñano como vicepresidente, Alberto Abilleira Sanmartín; como tesoureiro Jesús María Filgueira Calvo e vocais, Ignacio Amoedo Rodríguez, Rafael Gómez Moldes, Eva María Cochón Moledo, Jenny María Rodríguez Varela e Juan David Sobral Fariña.