Non coñeces as Illas Atlánticas? Non fai falta que agardes ao verán
Por Redacción
Non só no verán poderanse visitar as illas que forman parte do Parque Nacional das Illas Atlánticas. A consellería de Medio Ambiente, Territorio e Infraestruturas organizou catro rutas e visitas guiadas polos enclaves que forman esta paraxe natural. Serán de carácter gratuita e levará aos interesados, desde o 22 de febreiro aos arquipélagos de Cíes e Ons e ás illas de Cortegada e Sálvora.
O programa, denominado 'Descubrindo o Parque Nacional', ten como obxectivo animar aos cidadáns a coñecer os valores destes enclaves naturais fóra da tempada de verán, nunha época de menor afluencia, e na que se descobren os valores desde outro punto de vista. Os asistentes só terán que custear a viaxe desde o porto ata a illa, unha media de 10 euros por persoa. As actividades en terra non terán custo algún.
A primeira das visitas guiadas será o 22 de febreiro e o destino é a illa de Cortegada. Trátase dunha ruta circular de máis de tres quilómetros na que poderán participar un máximo de 24 persoas. A previsión é saír da lonxa de Carril, en Vilargarcía, ás 10.15 horas, para chegar ás 14.30 horas ao mesmo punto. As persoas interesadas deberán inscribirse antes do 18 de febreiro.
As seguintes rutas serán xa ao longo do mes de marzo. En concreto, os días 1 e 2 visitarase o arquipélago de Ons, o domingo 9 de marzo, as Cíes, e para rematar a illa de Sálvora, a semana seguinte, o 16 de marzo. Todas elas terán un coubo máximo de persoas, entre as 11 de Sálvora e as 17 de cada viaxe a Ons ata as 40 que poderán ir a Cíes.
Todas aquelas persoas interesadas en participar nalgunha destas actividades deberán enviar una solicitude ao enderezo electrónico do parque, con todos os datos cumprimentados. Non se admitirán solicitudes incompletas. A descarga das mesmas pódese realizar nesta dirección electrónica. Tamén poden facer a solicitude en persoa a través das oficinas do Parque situadas no edificio Cambón, no casco vello de Vigo.
As prazas cubriranse por estrito orde de chegada e só poderán asistir participantes maiores de 12 anos. Aqueles que teñan idades comprendidas entre os 12 e os 18 anos deberán ir acompañados dun adulto, e por cada adulto participante, admitiranse como máximo dous menores ao seu cargo.