Os empresarios de Arousa implícanse na defensa de Alfageme
Por Redacción
A loita das traballadoras de Alfageme en defensa dos seus postos de traballo nas factorías de Ribadumia e Vilaxoán (Vilagarcía) ten un novo aliado: os empresarios arousanos.
Representantes da Federación Comarcal de Empresarios de Arousa (Feca) reuníronse este venres co comité de empresa de Alfageme. Despois do encontro, anunciaron que o próximo luns 12 de novembro se meterán de cheo na causa das traballadoras da conserverán.
Farano enviando un escrito á Consellería de Economía e Industria para mostrar o seu interese en que o conflito e a venda da conserveira Alfageme se resolva "do modo máis beneficioso para a comarca". Na súa opinión, este beneficio sería que se salvagardasen todos os postos de traballo actuais.
Os empresarios instarán o Igape a que adxudique a venda de Alfageme a algunha das empresas que presentaron ofertas sobre esta. Esta actitude foi ben recibida polo comité de empresa, que agradece a implicación dos empresarios.
Pola súa banda, as traballadoras non se manterán paradas mentres esperan a que o conflito se resolva. O luns reuniranse na nave de Ribadumia para fixar un novo calendario de mobilizacións.
Relacionadas:
-
A poxa de 'Miau', sobre a mesa do xuíz
Por Oskar Viéitez |
-
CIG emprende "accións legais" contra o conselleiro Javier Guerra
Por Oskar Viéitez |
-
O IGAPE da cinco días a Pescamar para correxir a súa oferta sobre Alfageme
Por Oskar Viéitez |
-
As traballadoras de Alfageme manterán as protestas "ata o final"
Por Diego Espiño |
-
As de Alfageme dan a lata
Por Oskar Viéitez |
-
As traballadoras de Alfageme non se fían do Igape e retoman as mobilizacións
Por Redacción |