Areeiro avanza na investigación contra o fungo que murcha a flor da camelia
Por Redacción
O persoal técnico da Estación Fitopatolóxica do Areeiro está a avanzar na investigación do fungo que causa o murchamento da flor da camelia a través de dúas grandes liñas de traballo centradas na caracterización da interacción planta-patóxeno e no desenvolvemento de técnicas para a mellora xénetica do xénero Camellia.
Ven de reunirse a comisión de seguimento do proxecto que está a impulsar o centro dependente da Deputación en colaboración coa Sociedade Española da Camelia e a Universidade de Vigo para impulsar aplicacións biotecnolóxicas que permitan obter resistencia ao fungo Cibirinia camelliae, causante do principal problema fitosanitario das camelias ornamentais a nivel mundial.
A Deputación de Pontevedra está a investir 26.000 euros neste proxecto de investigación, con vixencia ata abril de 2025, que está a avanzar no estudo dos fundamentos biolóxicos da interacción entre o fungo Cibirinia camelliae e plantas do xénero Camellia, e utilizar a mellora xenética como recurso para a obtención de flores pouco ou nada susceptibles ao ataque deste fungo altamente especializado.
En concreto, en Areeiro estase a traballar para identificar xenes candidatos da virulencia no fungo e xenes de resistencia na planta.
Ademais, o centro dependente da Deputación está a desenvolver unha metodoloxía para estudar a función e o efecto de diferentes xenes sobre a susceptibilidade ao ataque do fungo.
Foi en 1999 cando se detectou por primeira vez na provincia o fungo causante do murchamento da flor da camelia e, desde entón, Areeiro está a probar diferentes estratexias para tentar o control da enfermidade.
Debido á ausencia de efectividade das alternativas aplicadas ata o momento, este centro está a traballar na investigación e mellora xenética como recurso para obter flores pouco ou nada susceptibles ao ataque do Cibirinia camelliae.
Relacionadas:
-
Novo programa de visitas guiadas á Estación Fitopatolóxica Areeiro
Por Redacción |
-
A Deputación adxudica o proxecto de acondicionamento e rehabilitación do caserón da Finca de Areeiro
Por Redacción |
-
Entre eleccións e Entroido, a camelia ocupa o seu lugar en Pontevedra
Por Redacción |
-
Completado o espazo expositivo para a próxima edición de 'Camelia e mar' en Marín
Por Redacción |
-
'Lo que el pelo dice de nosotras', unha investigación sobre o poder comunicativo e simbólico do cabelo ao longo da historia da arte
Por Oskar Viéitez |
-
O Mosteiro de Armenteira e a Deputación traballan para estimular a explotación comercial dos cosméticos de camelia
Por Redacción |
-
O Areeiro investiga un remedio a base de camelias para acabar cun fungo que ameaza os castiñeiros
Por Oskar Viéitez |
-
Os Premios Leafies recoñecen a Beatriz Piñeiro pola súa iniciativa no Xardín de Té do Pazo Quinteiro da Cruz
Por Oskar Viéitez |