Paredes e Figueirido acenden o seu Nadal
Por Redacción
En Vilaboa xa se vive con intensidade o Nadal, tras o aceso da iluminación preparada en dous lugares sinalados do municipio, no parque de Canaval en Figueirodo e tamén en Paredes.
En ambos os dous casos, sinala o Concello, a decoración do Nadal reflicte o traballo conxunto da veciñanza de cada parroquia durante os últimos dous meses, nos que dedicaron tempo e esforzo para crear un punto de encontro durante as festas.
"Nun municipio tan extenso como o noso pero cun orzamento tan limitado e que ademais non ten un núcleo definido sería imposible crear unha ambientación así. Por iso o meu máis sinceira felicitación e recoñecemento a estes veciños e veciñas que nos fan a todos sentirnos orgullosos de ser de Vilaboa", afirmou o alcalde, César Poza.
"Nin Madrid,nin París nin Nova York poden presumir dunha ambientación de Nadal como a nosa", defendeu o rexedor asegurando que "aquí impera a sustentabilidade, a responsabilidade ambiental, a boa convivencia e o satisfacción de ser de Vilaboa".
En canto á decoración un iglú, árbores, trens con vagóns, unha nora e unha randeeira iluminada son algunhas das atraccións que se atopan nos 400 metros lineais que a asociación Camiño Vello en Paredes afanouse en decorar, mentres que en Figueirido a asociación de veciños transformou o Canaval nun parque temático do Nadal cun matiz solidario no que destacan trineos, trens, árbores, moitas luz, un castelo e ata un portal de Belén.
A estas dúas zonas sumarase nos próximos días Cabodachán.
Relacionadas:
-
Os Magos de Oriente percorrerán Vilaboa en tren turístico con novos itinerarios
Por Anxo Lourido |
-
Figueirido tomará as uvas ás 12 do mediodía
Por Redacción |
-
Vilaboa aposta polo consumo sostible no seu mercadiño de Nadal
Por Redacción |
-
Figueirido xa goza do Nadal cun castelo de luces
Por Redacción |
-
Convocado o Concurso de Postais de Nadal para escolares de Vilaboa
Por Redacción |
-
O mercadiño de Nadal de Vilaboa instalarase este ano en Paredes
Por Redacción |