'Días salvajes' é unha ficción absolutamente real. Un mozo, herdeiro dunha dinastía de banqueiros, provoca un accidente kamikaze tras unha noite de festa desbocada. É o punto de partida de 'Días salvajes', a última novela deDavid Jiménez, autor de éxitos como 'El director' o 'Diarios del opio'.
Este correspondente, reporteiro e columnista recoñécenos que ao escribir ficción tampouco pode afastarse da realidade: "nesta novela hai moita inspiración en feitos reais. O indulto dun kamikaze que matou a un mozo en 2013 e por suposto, unha realidade que é a española. Esa España da eurofia, do boom dos 2000 que terminou nunha crise grave e prolongada. E que está moi de actualidade porque creo que algúns deses erros, incluído o boom inmobiliario, estamos a repetilos".
Así, desfila a España de inicios do século XXI coas súas desigualdades, as súas contradicións, os seus excesos, a política, o poder, o diñeiro e todo iso que se cociña en lugares tan cobizados como os palcos dos grandes clubs de fútbol: "o niño do poder de España é o palco do Santiago Bernabeu" e dio a quen se encargou dirixir durante un ano o diario El Mundo.
Está tamén nesta novela a impunidade de quen ten eses poderes e de quen non contan con eses resortes e teñen que confiar nas decisións da Xustiza. Para completar estes 'Días salvajes' o duelo leva parte importante desta novela "sobre a coraxe de vivir" e para iso preparouse David Jiménez participando en terapias de grupo con pais que perderan aos seus fillos.
Para completar a charla que mantemos no podcast 'Cara a cara', preguntámoslle polo estado do proxecto de levar 'El director' do papel ao cinema. "Estamos en proceso de facer unha película, xa temos guión, hai produtoras traballando niso e se todo vai ben se rodará en 2025". Unha cinta que como a novela conta como un reporteiro termina no despacho do gran poder dun xornal. É dicir, parte da súa biografía.
O programa completo está dispoñible na web de PontevedraViva Radio e igualmente pódese reproducir desde a ligazón adxunta.