O PP de Marín aposta por continuar coa “reorganización” do Concello
Por Redacción
O Partido Popular de Marín lembra que nos últimos catro ano fixo unha reorganización dos espazos do concello, coma o traslado á Finca de Briz da Aula de Música, das Oficinas da Policía Local para a rúa Méndez Núñez ou as Oficinas de Urbanismo para o Concello, eliminando as oficinas do BNG que estaban alugadas.
Ademais salientan que negociaron o traslado de Aduanas para dentro do recinto portuario, despois de acondicinar as oficinas que lles cedería o Porto, destinarían o edificio da Avenida de Ourense para dependencias municipais.
Agora no seu programa inclúen o compromiso de "mellorar todos os espazos administrativos" traballando para que a cesión comprometida do edificio de Aduanas sexa unha realidade, "queda finalizar ese traslado que será sen dúbida a futura ampliación do concello".
O plan é trasladar os servizos sociais que se atopan na casa principal de Briz para esas dependencias, "acercando ós veciños este servizo e facilitando que se mellore a atención, a modernización da administración, permitindo cada vez máis facer trámites telemáticamente e tratar de ser máis áxiles e eficaces, vai ser un traballo a medio e longo prazo, pero un traballo necesario que é necesario seguir realizando desde todas as áreas, con coordinación, criterio e tratando de ser máis eficientes", din os populares.
LOCAIS MUNICIPAIS
Finalmente salientan que durante o seu mandato se realizaron melloras en todos os locais municipais, cedendo o seu uso, segundo peticións a moitas asociacións que realizan unha actividade dinamizadora.