Moreira: "Lores imita a John Balan viajando a Nueva York"
Por Oskar Viéitez & Diego Torrado
O candidato do Partido Popular en Pontevedra, Jacobo Moreira, celebrou este venres unha cea-mitin que reuniu unhas 600 persoas e que contou coa presenza do líder dos populares galegos, Alberto Núñez Feijóo, e a ministra de Fomento, Ana Pastor.
Nos discursos o gran protagonista foi o candidato á reelección, Miguel Anxo Fernández Lores, o seu cómic e os premios ao modelo de cidade.
Moreira chegou a afirmar que "Lores imita a John Balan viajando a Nueva York" e acusoulle de buscar fóra da cidade un recoñecemento que os pontevedreses "nunca le dieron".
Tras dicir que a el "esta vez" non o invitou para asistir en Estados Unidos á entrega do premio, sinalou que dubidaba se Fernández Lores tería comprado "un billete sólo de ida".
"Cuando hay que dar la cara se escapa al otro lado del océano, eso es porque no tiene nada que contar", engadiu.
ANA PASTOR
Tamén a Ministra de Fomento apuntou que nesta ocasión non foi convidada a viaxar a Manhattan "aunque le iba a decir que no" e engadiu "¿pero los del Bloque no eran Marxistas? ¿qué hacen entonces recogiendo premios en la cuna del capitalismo?".
Ana Pastor sinalou a todos os presentes que as grandes obras en Pontevedra durante os últimos anos son "de otro pontevedrés, del presidente del Gobierno, Mariano Rajoy" de cuxa xestión dixo deben sentirse todos "muy orgullosos".
Pola contra o único mérito que recoñeceu alcalde do BNG foi "convertir a Pontevedra en una aldea irreductible, como dice en su cómic".
Ana Pastor repasou as infraestruturas, anunciando que "las obras de la circunvalación se iniciarán en julio" e destacando que en 15 días máis de 145.000 perosnas viaxaron no Tren de Alta Velocidade do Eixe Atlántico, "entre ellos, dijo, los nacionalistas que tanto lo critican, aunque lo hacen con vergüenza y mirando hacia atrás por si les están mirando", chanceou.
NUÑEZ FEIJOO
Finalmente Núñez Feijóo arrancou co seu coñecido discurso "que goberne o partido máis votado", pasando polas dificultades de Susana Díaz en Andalucía, ata centrarse en Pontevedra.
A Feijóo, Lores e César Mosquera recordáronlle a "Mortadelo y Filemón" na foto de presentación do cómic vestindo os cascos dos galos " pero que putada lle fixeron a Lores, como lle puxeron ese prato na cabeza. Ah, non, que quixo o sair así. Pois vaia", dixo o presidente da Xunta provocando a gargallada dos asistentes.
Para Núñez Feijóo a vitoria de Jacobo Moreira significará a construción do Hospital de Monte Carrasco, a posta en marcha do transporte público, do novo edificio xudicial, a baixada do paro e a continuidade de Ence.
Feijóo concluíu comparando a Moreira con David Cameron e prognosticou que, igual que o primeiro ministro de Reino Unido, Moreira tamén dará un xiro ás enquisas.