O PSOE ten cara nova en Vilagarcía e Marín: Alberto Varela e Luz Santiago gañan as primarias
Por Redacción
O proceso de primarias para elixir o candidato das próximas eleccións municipais de maio de 2015 deixou caras novas nas dúas localidades pontevedresas nas que se celebrou este domingo. Alberto Varela será o candidato do PSdeG-PSOE á Alcaldía de Vilagarcía e Luz Santiago a cabeza de lista en Marín. En ambos os dous, a votación estivo moi igualada.
En Marín, Luz Santiago conseguiu o 51% dos votos e impúxose ao seu rival, Manuel Pazos, por tan só tres sufraxios de diferenza, segundo os resultados finais difundidos pola propia agrupación.
Cunha participación do 90% da militancia e 61 votos emitidos, a nova candidata recibiu o apoio de 31 votos para liderar o proxecto do novo socialismo marinense e o seu contrincante, 28.
En Vilagarcía estivo menos disputado. Alberto Varela gañou a Fernado Quintela por 18 votos. A participación foi moi similar á de Marín, cun 90% dos afiliados, que acudiron a emitir o seu voto.
O 54,5% dos apoios emitidos foron para Alberto Varela (86 votos) fronte ao 43,6% da militancia que se decantou polo outro candidato das primarias, Fernando Quintela