Volven os adestramentos ao campo de Príncipe Felipe, pero os partidos terán que esperar
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os equipos que utilizan habitualmente o campo de fútbol da Cidade Infantil Príncipe Felipe poderán retomar alí a súa actividade para adestramentos.
Así o confirmou tras unha visita ás instalacións o vicepresidente da Deputación Rafa Domínguez, acompañado do deputado Javier Tourís.
A institución provincial acordou coa Real Federación Galega de Fútbol a utilización da instalación só para adestramentos, e non para partidos e competicións, tras apontoar o muro perimetral de contención do campo e mentres non se resolvan as deficiencias actuais.
Para iso a Deputación habilitou un vestiario do pavillón de Príncipe Felipe, pois unhas das obras de urxencia pendentes de executar céntranse nos vestiarios do campo, asolagados polas choivas do último mes e necesitados de melloras.
Segundo sinala a administración titular das instalacións entre as obras xa realizadas e as pendentes de acometer, entre as que se atopa unha mellora da iluminación, vaise investir unha cantidade próxima aos 190.000 euros.
Relacionadas:
-
Invisten 140.000 euros para mellorar o alumeado e os vestiarios do campo de fútbol de Príncipe Felipe
Por Oskar Viéitez |
-
Aprobados novos investimentos en Príncipe Felipe e a venda dunha parcela no polígono de Barro
Por Oskar Viéitez |
-
Apontoan provisionalmente o muro de contención do campo de fútbol do Príncipe Felipe
Por Redacción |
-
Prevista a mellora da iluminación do campo de fútbol do Príncipe Felipe
Por Redacción |