María Quiroga e Cristina Díaz-Pache, baixas do Arxil en Ferrol
Por Redacción
Primeiro partido da segunda volta para o Club Baloncesto Arxil e de novo, por segunda xornada consecutiva, encontro a domicilio ante un dos colíderes da Liga Feminina 2, esta vez o Universitario de Ferrol (sábado 20:00 horas).
Por se o compromiso non fose de por si esixente, as verdes deberán sobrepoñerse ás baixas de Cristina Díaz-Pache e María Quiroga.
No apartado positivo o conxunto arxilista chega á cita coa moral alta tras o bo partido realizado en Cáceres, onde quedaron a un paso de dar a sorpresa.
As de Mayte Méndez, que se enfrontaron e perderon en dúas ocasións ao equipo ferrolano, en Copa Galicia e na primeira xornada do campionato ligueiro, deberán prestar especial atención a Tudanca e Arlen, máximas anotadoras dun bloque que é o que máis puntos suma da categoría, 76,9 de media por partido.