O Mareantes ascende o segundo posto tras gañar con sufrimento en Lalín (8-12)
Por Redacción
Sufrida vitoria do Mareantes Rugby Pontevedra na súa visita ao Manuel Ángel Cortizo de Lalín (8-12).
Tras o seu irregular comezo ligueiro os lerezanos continúan a súa escalada na clasificación e grazas a este triunfo ascenden á segunda praza, aínda que lonxe do intratable líder, Os Ingleses.
O Mareantes tivo que empregarse a fondo na capital do Deza nun encontro moi disputado, que apenas tivo movementos no marcador evitando que os pontevedreses sumasen o buscado bonus.
Adiantáronse os blanquinegros antes do descanso grazas a un 'maul' que rematou transformando Punti, mentres no inicio da segunda metade Jaime Díaz-Pache lograba o segundo ensaio para encarrilar o choque, pero un ensaio e un golpe de castigo dos locais axustou o partido nos último minutos.
Tivo que sufrir o Mareantes para pechar o partido unha semana antes de xogarse, de novo a domicilio, a recén conquistada segunda praza ante o filial do Vigo Rugby.