Iago Paz comprométese co Ribadumia ata final de tempada
Por Ramiro Espiño
Iago Paz xa ten equipo. Tras desvincularse do Pontevedra a pasada semana, o centrocampista chegou a un acordo co Ribadumia para reforzar a este conxunto ata o final da presente tempada, na que o entidade do Salnes ten como obxectivo conseguir o ascenso a terceira división.
A pesar de contar con ofertas doutros equipos como o Bergantiños, tamén de rexional preferente pero do grupo norte, o xogador decantouse pola proximidade e a seguridade que lle ofrece un Ribadumia ao que volve, tras estar nas súas filas precisamente antes da súa fichaxe polo Pontevedra.
O xogador ten previsto asinar a ficha a última hora da tarde do martes, para poñerse inmediatamente ás ordes do adestrador Gabi Leis, co fin de realizar a primeira sesión de adestramento cos seus novos compañeiros, con moitos dos cales coincidiu xa con anterioridade, tanto no mesmo Ribadumia, coma no conxunto granate.