![](/web/cache/scene/uploads/fotos/foto/c39/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/64494f39c4-deportistas-galegos-e-tecnicos-convocados-coa-seleccion-nacional.jpg)
© Federación Galega de Loita
Bo papel do Club Loita Pontevedra no Torneo Internacional Xóvenes Promesas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os novos talentos do Club de Loita Pointevedra veñen pegando forte.
Así o demostraron Iago Fernández e Carmen Naveiro no Torneo Internacional Xóvenes Promesas celebrado a pasada fin de semana na localidade alacantina de La Nucía.
Xunto a un grupo de deportistas galegos bolseiros no CGTD de Pontevedra, adestrados por Rubén Méndez e Marcos Miragaya, lograron ata tres medallas nunha competición na que tomaban parte loitadores de nove países.
En concreto Iago, en idade júnior, conseguiu senllos terceiros postos nas categorúas U23 e U20, mentres que a cadete Carmen Naveiro foi tamén terceira en U17.
Resultados importantes nunha cita que formaba parte ademais do proceso de selección para os próximos eventos nacionais e internacionais, como o Torneo Internacional de Romanía.
Tras o torneo tanto Iago Fernández como o adestrador Marcos Miragaya desprazáronse ata o Centro de Alto Rendemento de Madrid para participar nunha concentración co equipo nacional.