O Galaico, a polo ascenso á División de Honra da Liga Galega de natación
Por Redacción
A pesar das importantes baixas coas que contaban, o Club Natación Galaico cumpriu coas expectativas. Disputará a fase de ascenso á División de Honra da liga Galega.
Certificou o pase tras a terceira xornada da fase preliminar de Primeira División, que se celebrou esta fin de semana en Carballo.
As ausencias de nadadores como Cristian Fernández, Jacobo Ucha, Juan David Hernández e Tomás Bouzas foron suplidas por infantís e junior que subiron ao primeiro equipo e que, segundo destaca o club, desempeñaron un gran papel.
Moitos dos seus deportistas melloraron as súas propias marcas persoais, o que contribuíu a que o conxunto pontevedrés se mantivese toda a xornada nos postos de cabeza.
Os mellores resultados para o Galaico asináronos Dani Sánchez, primeiro en 50 costas e terceiro en 50 bolboreta; Antía García, primeira en 50 bolboreta; Sofía Barros, segunda en 800 libre; Giséle Rocha, terceira en 800 libre; e Ana Pérez, segunda en 200 braza.
A fase final polo ascenso celebrarase o 6 de maio nunha sede aínda por confirmar. Ascenderán os dous primeiros clubs clasificados.
Relacionadas:
-
Medalla de prata para Alicia Bouzas no Open de Mallorca
Por Redacción |
-
A base do Galaico Sincro brilla en Oviedo e clasifícase para o campionato de verán de Primeira División
Por Redacción |
-
Meritoria actuación da prometedora nadadora do CN Galaico Sofía Barros no nacional de autonomías
Por Redacción |
-
Nadadores do Galaico renuncian ao nacional de longa distancia ao carecer de instalacións de adestramento
Por Manu Otero |