O WP Pontevedra inicia a fase polo ascenso con triunfo ante o CN Molins (12-8)
![](/web/cache/scene/uploads/fotos/foto/cc9/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64038b8a67-20230304-saiz-piscina-escuela-naval-cw-pontevedra-cn-molins-16.jpg)
© Cristina Saiz
![](/web/cache/scene/uploads/fotos/foto/4dd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64038b8e46-20230304-saiz-piscina-escuela-naval-cw-pontevedra-cn-molins-28.jpg)
© Cristina Saiz
O Club Waterpolo Pontevedra iniciou a segunda fase da Primeira Nacional Feminina con triunfo ante o CN Molins. Coa permanencia para a próxima tempada xa selada, o cadro pontevedrés segue sumando experiencia e deleitando á súa afección con cada partido.
Ás 17:00 horas deu comezo o duelo contra o terceiro clasificado da fase cun inicio igualado que se traduciu nun 2-2. Con todo, nos últimos dous minutos do primeiro período, o conxunto de Pontevedra pisou o acelerador e, cunha boa defensa, provocou a primeira brecha no luminoso (4-2).
A máxima renda conseguida polas locais foi de tres goles ao empezar o segundo tempo cun tanto de Iria Amoedo, pero enseguida o CN Molins reduciu diferenzas para colocarse a un gol do empate cando quedaba minuto e medio para o descanso (5-4). Ataque para o Waterpolo Pontevedra, expulsión de Adriadna Belles e tanto de Sara Vanegas ao fío do intermedio (6-4).
Despois do paso polos vestiarios o control foi máximo para as galegas e aumentaron a súa renda ata os 4 goles. Recortou distancias o seu rival por momentos pero o WP mantívose firme e sen complexos para manter a vantaxe en todo momento e sentenciar o encontro por un contunente 12-8.
Consulta as estatísticas nesta ligazón
Partido da segunda fase de Primeira Nacional entre Waterpolo Pontevedra e CN Molins
Primeiro partido da segunda fase de Primeira Nacional entre o Waterpolo Pontevedra e o CN Molins na piscina da Escola Naval de Marín
© Cristina Saiz