O regreso da liga Asobal trae ao Municipal ao Anaitasuna de Quique Domínguez
Por Manu Otero
A liga Asobal está de volta. Tras o parón polo mundial, a máxima categoría do balonmán español volve ao primeiro plano co inicio da segunda volta dunha competición á que o Cisne trata de agarrarse con uñas e dentes.
Os brancos, que marchan en penúltima posición, afrontan o tramo decisivo da tempada con dous novos reforzos e co estímulo positivo do bo papel realizado no mundial por dous dos seus xogadores, Chan e Furtado. En cambio, o estado físico dalgún dos seus xogadores decisivos, como Cavalcanti, seguirá lastrando aos de Javier Márquez nesta nova etapa da competición.
Ás 17 horas deste sábado volverá moverse o balón polas pistas do Municipal. O rival será un clásico da categoría, o Anaitasuna que adestra o pontevedrés Quique Domínguez. "Teñen unha defensa dura e alternante que che complica a vida senón estás preparado para atacala", puntualiza o segundo adestrador, Marcos Otero, quen encomia o estilo do técnico pontevedrés ao sinalar que "os seus equipos xogan con moi bo ritmo, cambios de direccion e unha boa conexion co pivote".
A pesar da dureza do rival, no Cisne confían en ter un "chisco máis da sorte que nos faltou na primeira volta para sacar máis puntos". E para darlle a volta á situación confían na achega dos dúas novas fichaxes: Calin Dedu e Daniel Serrano.
Relacionadas:
-
O Cisne sucumbe ante un demoledor Anaitasuna (26-33)
Por Almu Dapena |
-
"A permanencia está na túa man", lema da campaña de socios do Cisne para a segunda volta
Por Manu Otero |
-
Posta de longo de Calin Dedu e Dani Serrano como xogadores do Cisne: "É un gran reto"
Por Diego Espiño |
-
Nova lesión de Gabriel Cavalcanti: estará ao redor dun mes de baixa
Por Diego Espiño |