As peñas do Pontevedra organizan desprazamento ás Somozas
Por Redacción
Despois de ter que suspender a viaxe a Ordes, a Asociación de Peñas do Pontevedra Club de Fútbol volve formular un desprazamento organizado para apoiar o equipo con motivo do encontro do próximo domingo nas Somozas (17:00 horas).
O prezo deste será de 16 euros, con entrada incluída, partindo o mesmo domingo ás 14:00 horas dende o Pavillón Municipal dos Deportes e regreso á conclusión do partido.
Os interesados poderán anotarse martes, mércores e venres de 18:00 a 20:00 horas na billeteira do Estadio Municipal de Pasarón, mentres o xoves, coincidindo co encontro ligueiro ante o Boiro, os afeccionados poderán inscribirse en calquera das bancadas do estadio durante o descanso, cando a Asociación de Peñas instalará mesas informativas.