Jéssica Bouzas levanta o seu primeiro título do ano no W15 de Villena
Por Redacción
A tempada comezou con bos resultados para Jéssica Bouzas no seu obxectivo de ir escalando postos na clasificación mundial.
A tenista arousá, de só 19 anos, figura este luns no posto 691 da clasificación WTA; pero vén de levantar o seu primeiro título do ano.
Fíxoo no Torneo Internacional W15 de Villena, en Alacante, celebrado nas instalacións da Academia de Tenis Juan Carlos Ferrero, resultado que se suma ás semifinais conseguidas no recente W25 de Manacor.
En Villena a vilagarciá partía como principal cabeza de serie do cadro principal e fixo valer a súa posición, eliminando á francesa Nahia Berecoechea (7-6, 6-4), á española Judith Perello (6-0, 6-3), á alemá Joelle Lilly Sophie Steur (6-2, 6-2) e á estoniana Maileen Nuudi (6-1, 6-3) para plantarse na final.
No partido polo título Bouzas tampouco cedeu ningunha manga e fíxose co triunfo fronte á estadounidense Ashley Lahey de maneira contundente (6-2, 6-1).
Relacionadas:
-
Jéssica Bouzas, por primeira vez entre as 200 mellores raquetas do ranking WTA
Por Redacción |
-
A tenista arousá Jéssica Bouzas consegue un ouro e un bronce nos Xogos Mediterráneo
Por Manu Otero |
-
Segundo triunfo do ano para Jéssica Bouzas, que gaña o torneo W15 de Palmanova
Por Redacción |
-
Jéssica Bouzas e Celia Cerviño pechan a tempada co seu mellor ranking WTA
Por Diego Espiño |
-
Jéssica Bouzas, coa Selección Española nas finais da Billie Jean King Cup
Por Redacción |
-
Jessica Bouzas cae en tres sets ante a número 92 do mundo na previa do Master 1000 de Madrid
Por Redacción |