O Club Deportivo La Peña presume de nova furgoneta
Por Redacción
Despois de máis de 8 anos de traballo e constante crecemento, o Club Deportivo La Peña dá un paso máis para fortalecer a súa estrutura.
A entidade deportiva marinense presentou a súa nova furgoneta, un vehículo que adquiriu para mellorar a súa loxística semanal da maneira máis eficaz posible.
Grazas a este vehículo darase servizo aos 16 equipos cos que conta esta campaña La Peña, repartidos entre as diferentes categorías autonómicas, axudando nos seus desprazamentos.
Na actualidade o club supera os 200 deportistas federados, máis que antes da explosión da pandemia.
A furgoneta foi presentada no porto de Aguete con presenza do concelleiro de Deportes, Antonio Traba, e do presidente do club, Antonio Caíña.