Sorte dispar para Poio Pescamar e Leis na Segunda División Feminina
Por Redacción
O Poio Pescamar gañou o seu segundo partido da tempada tras dominar dende o principio o seu encontro contra o Universidade de Salamanca no Pavillón de A Seca (7-4).
As vermellas foron sempre mandando no marcador ante un rival que non se rendeu ata o final do encontro. Con esta vitoria, as rapazas adestradas por Marcio Santos se aúpan á quinta posición a pesar de ter un encontro menos que os primeiros equipos clasificados.
Cun encontro menos tamén está o Leis, que suma tres puntos noutras tantas xornadas despois de caer a domicilio nun encontro moi igualado ante o Majadahonda FS (2-1).
As pontevedresas pagaron caro o seu pouco acerto ofensivo ante o equipo madrileño, que deixou sen recompensa o traballo defensivo das xogadoras dirixidas por Jacobo Estors. O Leis queda en décima posición da táboa con só tres puntos.
O Leis de Tercera División Masculina cede ante o líder
O Esteo non deu opción ao Leis Pontevedra de Terceira División Masculina e venceu con claridade no Municipal (2-7). O equipo lerezano nada puido facer ante o pulo do líder e máximo candidato ao ascenso de categoría.