O pontevedrés Álex Andión, chamado a nunha concentración nacional xuvenil de waterpolo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/35e/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5f85c40c64-20201011_wat_andion.jpg)
© Federación Galega de Natación
Alejandro Andión segue derrubando aos poucos barreiras para o waterpolo pontevedrés e galego.
Nun deporte no que gran parte da elite concéntrase en Cataluña, cunha importante achega tamén desde Madrid, que un galego chame a atención dos técnicos nacionais nas últimas etapas formativas non é algo habitual.
É o que conseguiu este pontevedrés, que emigrou para crecer defendendo as cores do Club Natació Sabadell na busca do soño de chegar á elite.
Andión é unha das novas promesas convocada a unha concentración nacional xuvenil que se celebra desde este domingo 28 de marzo e ata o 3 de abril no Centro de Alto Rendemento de Serra Nevada.
Un paso máis á fronte para un deportista que, a pesar da súa curta idade, xa foi o primeiro waterpolista galego en levantar un título nacional e que vén de debutar na LEN Europa Cup, gozando de minutos na volta de cuartos de final fronte ao OSC Waterpolo húngaro. Álex é ademais un habitual nas convocatorias do Sabadell na División de Honra.