O Peixegalego promove o baloncesto nos centros escolares da zona
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os escolares de centros educativos de Marín e parte da bisbarra do Morrazo, ademais do colexio dos Praceres, comezou a recibir a visita de técnico e xogadores do Club Baloncesto Marín Peixegalego dentro da programación do club para promover o deporte da canastra.
Ademais deste obxectivo, dar a coñecer o baloncesto entre os máis pequenos, a entidade 'Peixe' pretende recordar a importancia de adquirir hábitos saudables e de estudo mentres se divirten xogando.
As visitas, habituais cada tempada, iniciáronse polos colexios de Ardán, Seixo e Bueu, onde recibiron na xornada do luns o técnico do primeiro equipo, Javi Llorente, e ao aleiro Gregorio Adón, os cales realizaron diversas actividades cos nenos, incluíndo un partidiño.
Nos próximos días será a quenda do colexio San Narciso, Sagrado Corazón de Xesús, Sequelo, Laxe e Carballal.