Terceira derrota consecutiva do Pontevedra B, esta vez ante o Gondomar
Por Redacción
A semellanza do primeiro equipo, os erros defensivos condenaron ao Pontevedra B ante o Gondomar (1-3) no que supón a terceira derrota consecutiva dos de Manu Fernández.
O Gondomar non foi tan superior como reflicte o marcador final. Adiantouse no minuto 26 pero Javi Pazos logrou a igualada na reanudación. Finalmente os visitantes desnivelaron o encontro nos últimos 15 minutos de partido cos tantos de Breixo e Nando, este último xa no desconto.
Con esta derrota, o filial granate estáncase con nove puntos na clasificiación, a só dous da zona de descenso directo que marca o Arenteiro.
Derrota do xuvenil de División de Honra
O Pontevedra xuvenil é último na División de Honra despois de perder na súa visita ao campo do líder, o Celta de Vigo, por tres goles a un.
PONTEVEDRA B: Edu Sousa, Pacheco, Héctor (Pedro, min.83), Dani Adán, Alves (Chicho, min.66), Víctor Pousadela, (David Eirín, min.79), Collazo, Diego González (David, min.79), Pingui, Javi Pazos, Buba.
GONDOMAR: Jacobo, Nacho, Carlos (Silvio, min.84), Lucas, Ferro, Hermida (Iván min.50), Toni (Tizón, min.68), Víctor, Gonza, Breixo (Berto, min.75), Rubén.
Árbitro: Martínez Barral (Santiago). Amonestou a Javi Pazos, Pacheco e Héctor polo Pontevedra e a Iván, Breixo, Ferro e Rubén polo Gondomar.
Goles: 0-1 min. 26, Rubén; 1-1 min. 67, Javi Pazos; 1-2 min.76, Breixo. 1-3 min. 94, Nando.