Anita, única baixa do Poio no seu debut na máxima categoría do fútbol sala feminino
Por Diego Espiño
ÿ un grande en horas baixas pero o FSF Móstoles, primeiro rival do Poio Pescamar no seu debut en Primeira División, segue infundindo moito respecto.
Hai dúas tempadas concluíron a liga en segunda posición e manteñen no seu plantel a dúas xogadoras internacionais como Chamorro e Eva Mengual, un dos motivos polos que Marcio Santos asegura non se fiar das madrileñas: "son sus referencias, todo el juego pasa por ellas pero por ganas e ilusión no nos van a ganar".
O técnico vermello asegura que chegan coa moral alta tras realizar unha boa pretempada, aínda que conscientes da dificultade da categoría: "sabemos que hay un cambio muy importante, aunque intentaremos competir desde el principio".
Para a histórica estrea (Sábado 18:30 horas no pavillón de Villafontana) Marcio non poderá contar con Anita, que estará mes e medio de baixa despois de romper o menisco en pretempada, aínda que si finalmente con Peke, que entrou na convocatoria tras evolucionar favorablemente das molestias que arrastrou na última semana.