Un penalti polémico priva da vitoria o Villalonga (1-1) fronte ao Ourense B
Por Redacción
O Villalonga cedeu o liderado tras empatar en Ourense fronte ao filial dos de As burgas, nun partido moi disputado e con ocasións para os dous bandos. Os de Julián Ferreiro tiveron as primeiras do partido pero Ramón non puido salvar a oposición do meta local e Cuqui mandaría o balón ao longueiro nun lanzamento de falta.
Non obstante o gol chegaría ao fío da media hora, por medio de Machu, aproveitando un roubo de balón na zona central, co que se facía xustiza ao mellor xogo visitante.
Non obstante na segunda parte os visitantes baixaron a intensidade do seu xogo e o Ourense B nivelou a contenda, conseguindo o empate nun penalti moi protestado polos celestes, que ademais significou a segunda amarela para Adrián Santos. O Villalonga quedaba en inferioridade e Rubén Arce transformaba o máximo castigo.
A inferioridade numérica botou atrás aos de Julián Ferreiro e no desconto o equipo local puido levarse o triunfo cun disparo de Omar que se foi a estrelar no poste.
C.D. OURENSE B (1): Aarón Puentes; Iago, Pablo Corzo, Álex (Ocampo, min. 82), Pana; Arce, Dani; Toni, Presas (Omar, min. 65), Carlos (Esteban Salgado, min. 65); e Víctor (Choco, min. 46).
VILLALONGA F.C. (1): Berto; Leo, Adrián Santos, Arias, Saúl; Cuqui (Cristóbal, min. 64), Antonio; Rego (Giao, min. 54); Machu (Rafa, min. 92), Juanito (Martín, min. 79); e Ramón (Héctor, min. 59).
Árbitro: Casal Fernández (Vigo). Expulsou por dobre amarela a Adrián Santos (minuto 78). Amoestou a Presas, Iago, Álex, Omar, Machu, Arias, Juanito e Cuqui.
Goles: (0-1) Minuto 29: Machu. (1-1) Minuto 80: Rubén Arce, de penalti.
Incidencias: Campo Miguel Ángel González-Os Remedios (Ourense). Uns 250 espectadores.