Estrea ligueira para o Teucro coa visita do "incómodo" Pozoblanco
Por Diego Espiño
Empeza o bo. A Sociedad Deportiva Teucro baixa o pano dunha nova tempada da División de Honra Prata recibindo no Municipal ao Club Balonmano Pozoblanco (Sábado 20:00 horas).
O equipo azul encara unha nova tempada coa moral alta tras un período de preparación no que transmitiu boas sensacións.
A pesar de todo o plantel e o seu adestrador, Javier Barrios, piden ir paso a paso nunha liga máis longa que a do pasado ano e con moita igualdade.
Así o traslada tamén un dos pesos pesados do equipo, o porteiro arxentino Juan Bar: "estamos un paso por delante que el año pasado a estas alturas pero aún estamos en fase de adaptación. Lo bueno es que hay mucha unión y ganas de ir detrás del mismo objetivo".
Juan Bar: "el Pozoblanco es un equipo muy peleón y que siempre lo pone difícil"
Ese obxectivo non é outro que asegurar canto antes a permanencia e, se se pode, repetir a experiencia da pasada tempada pelexando polos postos de privilexio. Para iso, recoñece o gardameta, hai que ir partido a partido, primeiro ante un díficil rival como o Pozoblanco: "es un equipo muy peleón y que siempre lo pone difícil. Tienen un modo de jugar muy incómodo y molesto, con una defensa muy abierta y esperando el error del rival".
Para enfrontarse ao conxunto cordobés Javier Barrios contará con todos os xogadores á súa disposición e en perfecto estado físico.