Cambio de líder na Lomba onde un grande Arosa derrota (2-0) o Deportivo B
Por Redacción
Visitaba A Lomba o líder da categoría e un dos máximos favoritos aos postos de honra. O Deportivo B chegaba como o único equipo que fora capaz de sumar dúas vitorias nos seus dous primeiros compromisos, pero o Arosa non se deixou impresionar. Superando en todo o filial deportivista, fíxoo encaixar a primeira derrota arrebatándolle con todo merecemento o primeiro posto.
A baixa por lesión de Quique Cubas privaba o técnico local, Piscis, dunha das súas mellores armas na presión sobre a saída de balón do rival. Non obstante o técnico confiou en Ramón e o dianteiro de Caldas, xunto con Eloy, foron un pesadelo para a defensa herculina, que se mostrou branda e moi nerviosa todo o partido.
Mellor plantado no cesped, o Arosa encontrou pronto o camiño do gol, e adiantouse no marcador, tras un tiro de Nando que rexeitou a zaga visitante, para que Jesu batese a meta de David, cun tiro cruzado dende o bordo da área pequena.
O Deportivo B tiña a pelota, pero movíaa sen conseguir afondar nin crear perigo. Pola contra os arlequinados en rápidas contras, dispuxeron de varias ocasións para sentenciar, ata que no minuto 55 o conseguía Adrián Camiño, ao culminar un rápido contraataque levado entre Eloy e Ramón.
Os visitantes intentaron arriscar tras o 2-0, ordenando o seu técnico, José Luis Devesa, unha defensa de tres, que tampouco deu resultado, pois o Arosa soubo controlar o marcador e o partido para proclamarse xusto vencedor.
Destacar tamén como nota positiva a reaparición do goleador arosista, Hugo Sanmartín, tras tres meses sen xogar por lesión.
AROSA S.C. (2): Jorge Pérez; Juanjo, José Ángel, Martín, Alfonso, Rivas, Nando (Álex Freire, min. 76), Jesu, Ramón (Hugo, min. 67), Adrián Camiño e Eloy (Santi, min. 90).
DEPORTIVO B (0): David; Callón, Roberto (Deak, min. 25), Quique, Aarón, Sidibé, ÿscar (Chiño, min. 55), Teles (Ángel, min. 75), Dani Iglesias, Romai e Cañi
Árbitro: José Luis González Sobrado (Vigo), auxiliado nas bandas por David Sánchez Tierra e José Luis González Portela. Amoestou a Rivas, Álex Freire, Roberto e Cañi.
Goles: (1-0) Minuto 19: Jesu. (2-0) Minuto: Adrián Camiño.
Incidencias: Campo Municipal da Lomba (Vilagarcía). Uns 1.000 espectadores.