¡Abónate ao Peixe de Prata! Chamamento do Peixegalego á súa afección para afrontar a Adecco Prata con garantías
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
¡Abónate ao Peixe de Prata!. ÿ o lema que escolleron os responsables do Peixegalego para a campaña de socios da nova tempada, un ano no que o equipo marinense afrontará o reto de debutar na Adecco Prata, a categoría de bronce do baloncesto español. ÿ, sen dúbida, a tarefa máis primordial da directiva do club no seu esforzo por facer un proxecto viable e competitivo.
Desde o club aseguran que "o paso á fronte por saír nunha categoría superior e profesional" como é a Adecco LEB Prata, "supón un chamamento a toda a afección do Morrazo e ao resto de cidades galegas, así como afeccionados que queiran gozar dun bo baloncesto durante toda a tempada". O obxectivo, que as gradas do pavillón da Raña énchanse cada sábado cunha marea azul.
Por iso é polo que o Peixegalego faga un esforzo para que o abono da próxima tempada "sexa asequible para calquera peto". Serán 20 euros por persoa, o máis barato de toda a categoría como sinala o club marinense. Con el poderanse ver todos os partidos que o equipo xogue en Marín e entrarase automáticamente a formar parte do sorteo do euromillón que se celebra os días martes e venres de cada semana, a partir do próximo 31 de decembro.
O carné poderá pedirse a través da dirección electrónica direccion@peixegalego.com ou ben nas oficinas do club na Raña (Marín), de luns a venres entre as 17:30 e as 20:30 horas.
SEGUEN AS RENOVACIONS
Mentres tanto, o Peixegalego segue dando pasos para formar o seu plantel para a próxima tempada. Tras confirmar a renovación do aleiro Luís González, que vestirá de azul por sexto ano consecutivo, o club pechou a continuidade dunha das pezas básicas do seu xogo interior, o pívot Joseba Aramburu. Será a terceira tempada no club para o xogador vasco, que o ano pasado promediou 14,3 puntos, 10 rebotes e 1,7 asistencias por partido.
Coñecedor da Adecco LEB Prata pola súa época no ADT Tarragona, Aramburu asegura que será "unha liga dura, competitiva e parella entre todos os equipos", aínda que destaca que "o nivel respecto de anos anteriores baixou". En todo caso, apunta que o obxectivo do será xogar os playoff de ascenso "xa que é o máis bonito que ten a liga".
Para completar o plantel, o club espera a chegada de tres xogadores máis esta mesma semana. Esperan que poidan incorporarse canto antes á pretemporada do equipo, que arrinca este luns no pavillón da Raña.