Acordo con Álvaro Naveira para a súa saída do Pontevedra
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
A etapa de Álvaro Naveira no Pontevedra Club de Fútbol chegou oficialmente ao seu fin.
O lateral zurdo, ao que lle restaba un ano de contrato, chegou a un acordo co club para a súa saída, e pon rumbo ao Arenteiro da Terceira División.
A chegada ao equipo de Xisco Campos deixaba ao Pontevedra cunha ficha sénior de máis, situación que con esta baixa quedou resolta á espera de se se produce algunha fichaxe máis, que tería que ser sub-23.
Naveira despídese desta maneira da entidade de Pasarón despois de só unha tempada na que apenas gozou de oportunidades.
Tras chegar procedente do Compostela o pasado verán, o lateral fíxose un oco no equipo nas tres primeiras xornadas de liga, nas que foi titular, pero tras non convencer ao técnico, por aquel entón Luismi, desde entón quedou relegado a un segundo plano disputando só dous partidos máis no campionato ata a súa suspensión.
O Pontevedra despediuse de Álvaro Naveira en redes sociais desexándolle "a mellor das sortes".
Te deseamos la mejor de las suertes .
— Pontevedra CF (@PontevedraCFSAD) September 4, 2020
¡Gracias, Naveira! pic.twitter.com/qksW6vZkE7