Pablo Lede, centrocampista pontevedrés formado no Salgueiriños e Celta B, ficha polo Pontevedra
Por Redacción
O Pontevedra CF segue reforzando o seu equipo para a próxima tempada. O último en incorporarse á disciplina granate é o pontevedrés Pablo Lede. Natural de Ponteareas, o centrocampista de 23 anos procede do Sporting de Gijón B, con quen disputou 16 partidos a pasada tempada na Segunda División B do fútbol español.
Antes de militar no filial do cadro asturiano, Pablo Lede formou parte do futbol base pontevedrés, concretamente do Salgueiriños CF. De aí deu o salto ao Celta B, equipo no que militou durante tres tempadas, as tres na división de bronce.
En dito equipo coincidiu con Milo Abelleira, actual director deportivo do Pontevedra CF, quen xa intentou o seu fichaje o ano pasado. Nos seus 60 partidos co equipo vigués marcou catro goles.
Pablo Lede, que xoga habitualmente de mediocentro, xa se exercitou cos seus compañeiros. Será presentado este martes en Pasarón.