Álvaro Bustos non adestra co grupo e confirma a súa saída do Pontevedra
![Manu](/web/cache/scene/uploads/xornalistas/foto/c92/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/613a3b2f4f-20210902-patxot-radio-programa-deportes-1889.jpg)
Por Manu Otero
![](/web/cache/scene/uploads/fotos/foto/c2c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e2495513f-2020019-torrado-pcf-vs-ferrol-12.jpg)
© Diego Torrado
![](/web/cache/scene/uploads/fotos/foto/727/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5e318145b4-20200122-saiz-entrenamiento-pontevedra-jose-garcia-nuevo-fichaje-0021.jpg)
© Cristina Saiz
A falta de confirmación oficial, Álvaro Bustos xa non é xogador do Pontevedra. O conxunto granate perde ao seu xogador franquía que, segundo fontes do club, atópase xa viaxando cara a Polonia, onde asinará polo MKS Cracovia, un dos clubs máis antigos do país. Na capital polaca dan por feito que o exgranate será presentado de forma oficial este venres.
O extremo asturiano, contratado este verán polo equipo pontevedrés despois de pasar media tempada a préstamo en Pasarón, volve facer as maletas nunha operación que, segundo fontes coñecedoras da negociación, é beneficiosa para as tres partes. O club, que garda silencio aínda sobre a situacion, esixiu ao cadro polaco o pago da cláusula para permitir a saída do extremo, con todo, as cifras do traspaso non transcenderon.
Autor de cinco tantos, Álvaro Bustos era o máximo goleador do Pontevedra. O extremo disputou todos os partidos de liga como titular sendo substituído en nove ocasiones. A pesar de chegar coa bitola de xogador referencia, moitos afeccionados expresaron certa decepción co rendemento do futbolista, do que esperaban un maior peso no xogo.
Coa baixa do extremo, o Pontevedra queda agora con tres xogadores especialistas de banda. Álex González, Pedro Vázquez e Jose García competirán polas posicións de banda á espera dalgún movemento do club para reforzar unha posición debilitada pola marcha do asturiano e a lesión de longa duración de Javi López.