O Trofeo Deputación de Natación Sincronizada reunirá 539 deportistas na piscina do Casino Mercantil
Por Redacción
Un total de 539 nadadoras pertencentes a 10 clubs de todas Galicia, cinco deles da provincia de Pontevedra, daranse cita no VIII Trofeo Deputación de Natación Sincronizada que se disputa o próximo xoves 27 de xuño.
O campionato, que servirá de festa de final de tempada para as deportistas, desenvolverase por primeira vez na piscina do Casino Mercantil, en Mourente, toda vez que as instalacións da Escola Naval de Marín, sede habitual, se encontran en obras.
O torneo, que se disputará nas categorías de base, escola e nivel contará cunha dobre sesión, arrancando de mañá ás 12:00 horas e continuando pola tarde a partir das 16:30 horas.
Os clubs participantes son: Galaico Sincro, Real Club Náutico, Sincro Rías Baixas, Burbullas da Estrada, Club Natación Sincronizada Pontevedra, Club Aguamarina Sincro, Acuatic, Natación Coruña, Club Natación Sincronizada Porta Miñá e Club Natación Sincronizada de Ourense.