Reválida para o Poio Pescamar no inicio do seu particular 'maratón'
Por Redacción
Tres derrotas consecutivas en liga acumula un Poio Pescamar que quere poñer fin á súa mala serie na visita ao pavillón da Seca (sábado, 18:30 horas) do Leganés.
As vermellas inician o seu particular 'maratón' do mes de decembro, no que xogarán ata seis encontros de liga para recuperar as dúas xornadas aprazadas no seu momento polos Xogos Olímpicos da Mocidade.
Tras o choque deste sábado 1 de decembro entre semana chegará o primeiro dos duelos suspendidos, a domicilio ante o Femisport Palau (xoves 6, 21:00 horas), seguirá o domingo 9 o Poio-Majadahonda na Seca, o 15 de decembro xogarán ante o Futsi Atlético fóra, o 22 de decembro recibirán o Alcorcón e o 27 de decembro xogarase o segundo dos choques aprazados na cancha do Amarelle.
Un duro calendario que con todo non desvía a atención do partido ante o Leganés, duodécimo clasificado, no que o equipo adestrado por Dani Díaz comparece coa necesidade de volver sumar de tres en tres para recuperar postos na táboa.
"Creo que tenemos que mejorar la entrada en los partidos, siempre vamos de menos a más y creo que tenemos que dar un golpe encima de la mesa", sinalou o técnico vermello, para quen o Leganés é "un rival que nos va a exigir" e que deu "un pequeño salto de calidad" con respecto á pasada tempada.