O Arosa pon fin a dúas malas xornadas cun empate ante o Ourense (1-1)
Por Redacción
O Arosa pon punto final a dúas malas xornadas de derrotas cun empate que sabe a vitoria ante un rival directo, o Ourense. Nesta ocasión, o conxunto pontevedrés xogou no campo de San Rosendo como visitante. Este punto supón para eles manterse na quinta posición da táboa, aínda que por detrás e empatado co seu rival nesta décima xornada.
A igualdade foi a tónica do partido. Tanto foi así, que non foi ata o minuto 44 da primeira metade que o Arosa púxose por diante no marcador cun gol de Alassane Sylla de penalti. Desta forma, o cadro visitante foise ao descanso con vantaxe (0-1).
A segunda parte, máis do mesmo. Aínda que o encontro continuou moi equilibrado, o Ourense conseguiu alcanzar aos pontevedreses no marcador ao pouco de soar o asubío inicial. Foi no minuto 57, que un gol de José Goméz estableceu o 1-1 co que terminaría o partido, xa que ningún dos dous equipos logrou darlle unha volta ao xogo e levarse a casa a vitoria.
Consulta a acta do Ourense-Arosa.
Pola súa banda, o Ribadumia non logrou plantarlle cara ao Somozas na Senra. Desta forma, o cadro arousán suma a súa segunda derrota consecutiva e consolídanse na oitava posición da táboa.
Alejandro Díaz anotou o gol da vitoria no 33' da primeira metade, algo ao que os locais xa non lograron poñerlle remedio para darlle a volta ao marcador e, polo menos, igualar o xogo. Así foi que a igualdade entre os dous equipos durante a segunda parte fixo que o resultado quedase no 0-1 para os visitantes.
Consulta a acta do Ribadumia-Somozas.
O Arenteiro comezou dominando o encontro ante o Céltiga, pero foron os isleños os que se adiantaron aos nove minutos con un gol de Juanín, e así se foron ao descanso.
Non foi ata o minuto 72 cando Capi marcaba en propia meta igualando o partido. Uns minutos despois, a sete do termo do encontro, o Arenteiro veríase obrigado a xogar cun home menos no campo, José García, por expulsión. E foi algo que non aproveitaron os visitantes para tratar de levar os tres puntos da xornada.
Relacionadas:
-
O Arosa cae nun partido importante ante un rival directo, o CD Barco (3-2)
Por Redacción |
-
O Arosa deixa atrás a súa mala xeira cunha vitoria ante o Porriño Industrial (3-0)
Por Redacción |
-
O Arosa suma, ante o Racing de Ferrol, a súa segunda derrota consecutiva (0-1)
Por Sofía Lorenzo |
-
O Arosa rompe ante o Bergantiños a súa xeira de seis vitorias con dúas expulsións (0-2)
Por Redacción |
-
Os defensas deciden o derbi entre Ribadumia e Arosa (0-2)
Por Ramiro Espiño |