Sergio Vega deixa o Froiz e dá o salto ao ciclismo profesional cun equipo portugués
Por Redacción
O Supermercados Froiz perde un dos seus corredores máis destacados. O cántabro Sergio Vega, actual campión de España, abandona a disciplina pontevedresa para dar o salto ao ciclismo profesional.
Farao como integrante do equipo Miranda-Mortágua. Será o segundo corredor español do conxunto luso, que tamén fichou ao galego Cristian Mota.
Sergio Vega, que asinou unha gran tempada alzándose co campionato de España, a Volta a Coruña e a Volta a Galicia, consegue así cumprir o seu soño e probar sorte no pelotón profesional.
O ciclista cántabro marcha, segundo recoñece, moi agradecido ao equipo pontevedrés, do que asegura que lle devolveu a ilusión e as ganas de correr.
Con respecto ao seu novo equipo, Vega celebrou esta oportunidade. "Espero demostrar a miña valía e seguir crecendo como ciclista", sinalou.
O grupo deportivo Supermercados Froiz desexou sorte ao corredor na súa nova etapa.
Relacionadas:
-
O Froiz suma dúas novas pezas para o seu proxecto de 2019
Por Redacción |
-
O Froiz aposta forte pola Copa de España e confirma a fichaxe de Jesús Arozamena
Por Diego Espiño |
-
Jake Wright, acento británico para o Froiz
Por Redacción |
-
Sergio Vega e o Froiz arrasan na Volta a Galicia
Por Redacción |
-
Sergio Vega proclámase en Castellón campión de España Elite de ciclismo
Por Ramiro Espiño |