A fase final da Copa Galicia, última proba para o Teucro antes do inicio da Liga Asobal
Por Redacción
O Rosal acollerá esta fin de semana, o sábado 1 e o domingo 2 de setembro, a fase final da Copa Galicia de balonmán, coa Sociedad Deportiva Teucro como un dos aspirantes ao título autonómico.
Será para o conxunto adestrado por Luís Montes todo un ensaio xeral a unha semana do inicio da Liga Asobal, previsto para o sábado 8 ante o Sinfín, sobre todo se acaban medíndose na final ao que se prevé como un dos seus rivais pola permanencia na máxima categoría como é o Cangas.
Antes, os azuis estrearán a final a 4 na primeira das semifinais ás 18:00 horas do sábado ante o BM Lalín de Primeira Nacional, mentres que a segunda semifinal xogarana o propio Cangas e o Atlético Novas.
No caso de caer o sábado, o Teucro xogaría polo terceiro posto ás 11:00 horas do domingo, mentres que se vence disputará a final ás 13:00 horas nun partido que será retransmitido pola segunda canle da Televisión de Galicia.
Relacionadas:
-
A Copa Galicia cambia outra vez de mans e vén a Pontevedra ao remontar o Teucro ao Cangas (34-33)
Por Redacción |
-
Teucro e Cangas á final da Copa Galicia ao vencer a Lalín e Novás
Por Redacción |
-
Os primeiros partidos de Teucro e Leis na casa convivirán coas obras do Pavillón Municipal
Por Diego Espiño |
-
Davor Cutura ve no Teucro "mucho potencial y un proyecto que a mí me ilusiona"
Por Diego Espiño |
-
Ademar León impón a súa superioridade ante un digno Teucro (36-25)
Por Redacción |