![](/web/cache/scene/uploads/fotos/foto/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/51915839c6334-ascension1.jpg)
CC BY-NC-SA Grupo Deportivos Supermercados Fróiz
Doblete do Súper Fróiz no Gran Premio da Ascensión
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Grupo Deportivo Supermercados Froiz erixiuse en claro dominador dunha das citas tradicionais no ciclismo galego, o Gran Premio da Ascensión de Santiago de Compostela.
Aser Estévez encabezou o bo papel do equipo alimenticio facéndose coa vitoria xeral seguido do seu compañeiro José Luis Mariño e con outro corredor do equipo, Noel Martín, en cuarta posición.
O Fróiz rompeu a carreira no último porto puntuable, o Alto de Quintáns, coroado por De Segovia en primeira posición nun grupo de cinco, escapándose en solitario na baixada. A pesar de non lograr consolidar a fuga o momento da súa interceptación foi aproveitado por Aser Estévez para lanzar o que ao cabo sería o ataque definitivo para alzarse co triunfo.
O cadro dirixido por Evaristo Portela completou a boa actuación adxudicándose a montaña con Antonio De Segovia, as metas voantes con José Luis Mariño e a clasificación por equipos.