O Portonovo colle impulso cara á Terceira División tras gañar ao Ponte Ourense (2-0)
Por Redacción
Non foi un partido brillante ante o último da categoría, pero o Portonovo soubo lograr en Baltar un triunfo que lle achega ao ascenso a falta de catro xornadas.
O conxunto arlequinado dobregou ao Ponte Ourense (2-0) nun encontro sen brillo que se empezou a decantar cun gol de penalti de Nacho á media hora de juego. Álex Cubas no segundo tempo puxo a sentenza ante un equipo visitante que xogou a última media hora en inferioridade.
Os tres puntos fan que o Portonovo dea caza ao Cultural Areas no alto da clasificación con 66 puntos, con tres de vantaxe sobre o terceiro clasificado, o Choco.
PORTONOVO SD (2): Marcos, Caste, Bolo, Renda, César (Caamiña, min.62), Suso Bea, Víctor, Martín (Manu, min.53), Nacho (Angelillo, min.56), Melchor (Gándara, min.50), Álex Cubas.
PONTE OURENSE CF (0): Marcos (Ángel, min.56), Simón, Thomas, Iván, Castro (Eli, min.64), Manu, Gabri, Carballo, Lamelas, Felipe, Dani (Xinzo, min.51).
Árbitro: Álvarez Calderón. Amoestou aos locais Víctor e Martín e aos visitantes Eli e Felipe. Expulsou por dobre cartón a Simón (min.69).
Goles: 1-0 Nacho, de penalti, min.31; 2-0 Álex Cubas, min.51.
Incidencias: Partido disputado no campo de Baltar, Portonovo.