Unha fin de semana para gozar do tenis de mesa
Por Redacción
O pavillón da Cidade Infantil de Príncipel Felipe será escenario un ano máis o Torneo Internacional de Verán de Tenis de Mesa, na que é xa a súa XIX edición.
A competición organizada polo Tenis de Mesa Monte Porreiro reunirá aos mellores xogadores de Galicia e Portugal durante as xornadas de sábado 9 e domingo 10 de setembro.
O torneo contará con 18 mesas para os partidos e máis de 200 xogadores, desde a categoría prebenxamín ata a veterana.
Desde as 10:00 horas do sábado competirán as categorías inferiores, ademais da senior e de veteranos, mentres o domingo á mesma hora arrincará o torneo absoluto. En ambos os casos as xornadas prolongaranse ata aproximadamente as 20:00 horas.
En total, segundo sinalou o presidente do Tenis de Mesa Monte Porreiro, Loito Álvarez, xogaranse durante a fin de semana máis de 1.000 partidos entre as diferentes categorías.