O Gran Mestre ruso Daniil Yuffa, vencedor do V Torneo Internacional de xadrez
Por Redacción
Despois de varias xornadas de intensa competición, un dos grandes favoritos adxudicouse o triunfo final do V Torneo Internacional Cidade de Pontevedra de xadrez, o Gran Mestre Daniil Yuffa.
O xogador ruso proclamouse campión tras empatar na novena e última rolda ante Strikovic e concluír con seis vitorias e tres empates.
Desta forma Yuffa sumou 7,5 puntos, medio máis que un grupo de seis xogadores cuxos desempates outorgaron a segunda posición ao israelí Oratovsky e o bronce ao búlgaro Petkov.
O V Torneo Internacional Cidade de Pontevedra contou coa participación de 170 xadrecistas de 13 países e repartiu un total de 10.000 euros en premios, cun montante de 1.500 para o primeiro clasificado.
En canto aos xogadores locais, o mellor galego e tamén español na clasificación final foi o Mestre Internacional Diego Espiñeira, do Club Xadrez Padrón, ao ser quinto, mentres o pontevedrés Alberto Portela concluíu décimo cuarto a só un punto do campión.
Relacionadas:
-
A Escola Xadrez Pontevedra, candidata aos premios Cidade de Pontevedra
Por Alejandro Espiño |
-
O Torneo Internacional de Xadrez volve ao Casino Mercantil
Por Redacción |
-
Recta final para o torneo internacional Cidade de Pontevedra de xadrez
Por Redacción |
-
Xa está en marcha o quinto torneo internacional Cidade de Pontevedra de xadrez
Por Redacción |
-
Trinta mestres de xadrez participarán no torneo internacional Cidade de Pontevedra
Por Redacción |