Sanxenxo prepárase para unha fin de semana de tríatlon
Por Redacción
O vindeiro domingo 21 de maio Sanxenxo gozará da emoción do deporte coa segunda edición do 113 Swim Run & Ride, que repite como Campionato Galego de Tríatlon de Media Distancia.
A proba empezará a notarse na vila o sábado coa recollida de dorsais e o 'check-in' das bicicletas coas que competirán os máis de 150 deportistas inscritos, pero non será ata primeira hora do domingo cando de comezo a acción.
A saída da proba masculina darase ás 8:00 horas desde a praia de Silgar, mentres que a feminina partirá 10 minutos máis tarde para completar 1.900 metros de natación, 90 quilómetros de ciclismo por un circuíto entre a Praza do Mar e A Lanzada ao que se dará catro voltas e 21 quilómetros a pé, con catro voltas entre Sanxenxo e Baltar.
Entre os trialetas confirmados destaca a presenza da vencedora o pasado ano en categoría feminina, Sonia Pariente, e de Ismael López na masculina.
Completará a oferta deportiva un tríatlon en distancia olímpica para o que están confirmados un cento de deportistas e que será puntuable para o Campionato Galego.
O 113 Swim Run & Ride de Sanxenxo foi presentado este martes nun acto que contou coa presenza do concelleiro de Deportes, Jesús Sueiro, o vicepresidente da Federación Galega de Tríatlon, Luís Piña, e o director técnico da proba, Leonardo López.
Relacionadas:
-
Cristóbal Dios e Sonia Pariente, vencedores do segundo 113 Swim Ride Run de Sanxenxo
Por Redacción & Diego Torrado |
-
O 113 Swim Ride Run de Sanxenxo amplía a súa oferta cun tríatlon de distancia olímpica
Por Redacción |
-
O tríatlon de media distancia de Sanxenxo fixa a data para a súa segunda edición
Por Diego Espiño |
-
Pablo Dapena e Sonia Pariente triunfan no primeiro 113 Swim Ride Run
Por Diego Torrado |