Ferramenta dixital para os clubs deportivos da provincia
Por Redacción
Os clubs deportivos da provincia contan cunha nova ferramenta a través da páxina web da Deputación de Pontevedra.
A institución provincial habilitou a plataforma 'Depo Informa', unha base de datos deseñada para tentar axudar nos trámites ás entidades deportivas.
A través dela os clubs dispoñerán de información en tempo real de asuntos de gran importancia para o seu día a día como, entre outros, o acceso ás liñas de axuda e subvencións.
Así o explicou a Deputación aos interesados a través dunha serie de cartas remitidas pola presidenta, Carmela Silva, na que sinala que esta ferramenta, unha das iniciativas contempladas no Plan Estratéxico do Deporte, ten como obxectivo fomentar e facilitar as relacións administrativas dos clubs coa administración.
As entidades deportivas interesadas en acceder a esta plataforma deberán cubrir un formulario de acceso que se pode atopar na web www.depo.es.
Relacionadas:
-
Sociedad Gimnástica e Poio Pescamar rubrican un convenio de patrocinio coa Deputación
Por Redacción |
-
A Deputación emprende un proxecto de mantemento para os campos de fútbol provinciais
Por Luca Yohan Silva Lamy |
-
Un selo de calidade deportiva, idea da Deputación para recoñecer as boas prácticas de entidades e clubs
Por Redacción |