Dez medallas, balance da Gimnástica no Campionato Galego baixo teito
Por Redacción
A alerta por mala climatoloxía en boa parte de Galicia non foi suficiente para impedir que se desenvolvese este domingo o Campionato Galego Absoluto de atletismo en pista cuberta, no Palacio dos Deportes de Riazor, na Coruña.
Alí tivo un papel destacado a Sociedad Gimnástica, sumando un total de dez medallas, repartidas en tres ouros, dúas pratas e cinco bronces.
Os títulos autonómicos foron para David Ferrer en lonxitude, cun primeiro salto no que logrou o seu mellor marca baixo teito con 7,18 metros, Santi Ferrer en pértega (4,52 metros) e Víctor Gallego en lanzamento de peso (16,16 metros).
As medallas de prata foron para Pablo Brieva en triplo salto (13,91 metros) e Lucía Ferrer nos 50 valos (7,76 segundos), mentres acabaron en terceira posición Álex Solla en lonxitude (6,68 metros), Jon Alonso nos 200 metros (24,08 segundos), Lucía Cardesín nos 800 metros (2:23.87), Francisco Guzmán en peso (13,55 metros) e Fernando Rial nos 1.500 metros (4:09.54).
Ademais, tamén se disputou o Campionato Galego Júnior de 1.500 e 3.000 metros, así como o Campionato Galego Promesa. Nos 1.500 metros, Fernando Rial gañou a súa categoría, mentres que terceiro foi Jesús Álvarez, e nos 3.000 metros tamén Fernando Rial colgouse a prata.
Por outra banda no Campionato Galego Promesa os atletas da Gimnástica lograron seis medallas, con tres ouros, dúas pratas e un bronce, sendo Eva Salvado a atleta máis destacada con catro preseas nas catro probas que disputou.
Relacionadas:
-
Resultados que reforzan o traballo de canteira da Sociedad Gimnástica
Por Redacción |
-
Dobre ración de campionatos galegos para a Gimnástica
Por Redacción |
-
Okutu proclámase subcampión de España en pista cuberta e Lysvanys Pérez colga o bronce
Por Redacción |
-
Seis atletas da Gimnástica, a polo Campionato de España en Pista Cuberta
Por Redacción |
-
O equipo de cros curto masculino da Gimnástica, campión autonómico
Por Redacción |
-
Alcorcón, sede da primeira xornada de liga para os equipos da Gimnástica
Por Redacción |
-
Oitavo posto para a Gimnástica na Copa do Rei de atletismo
Por Redacción |
-
As probas combinadas son territorio da Gimnástica
Por Redacción |