Suspendidas as actividades deportivas ao aire libre e as extraescolares polo temporal
Por Redacción
O temporal de vento e choiva que azouta Galicia e que aínda se prolongará ao longo da xornada deste venres obrigou a suspender as actividades deportivas ao aire libre no Concello de Pontevedra.
Así o comunicou o servizo municipal Deporte Pontevedra, que suspende as actividades programadas nas instalacións deportivas municipais, isto é, os campos de herba sintética da Xunqueira e o de Monte Porreiro.
Esta medida prolongarase desde as 15:00 horas ata o fin da xornada, polo que non debería afectar o desenvolvemento das ligas deportivas programadas neses campos durante a fin de semana.
Tamén a Comisión Escolar de Alertas da Consellería de Educación acordou as suspensión das actividades extraescolares no exterior dos centros educativos de Galicia a partir das 15:00 horas, sen que iso afecte á actividade docente nin ao transporte escolar.
Por outra banda víronse afectadas as actividades do programa municipal Noites Abertas previstas no exterior durante este venres, como unha xincana deportiva que tiña como punto de partida o colexio Froebel.
Relacionadas:
-
Os danos do temporal chegan aos servizos públicos: xulgados, colexios, hospitais
Por Redacción |
-
Suspenden ata o martes as clases o IES Chan do Monte tras desprenderse a cuberta
Por Alejandro Espiño |
-
Pontevedra, segunda cidade galega máis afectada polo temporal
Por Alejandro Espiño & Natalia Puga | Creada e actualizada
-
Cortan o tráfico na AP-9 tras desprenderse a cuberta da ponte da Barca
Por Alejandro Espiño |
-
Cae parte da fachada dun edificio do centro histórico
Por Alejandro Espiño |
-
Árbores derrubadas e desprendementos de terras e tellas, principais incidencias do temporal
Por Mónica Patxot & Anxo Lourido | Creada e actualizada