Cidade Real, primeira parada na difícil recta final de ano do Teucro
Por Diego Espiño
Despois dun primeiro terzo da competición ligueira cun "balance positivo", o Teucro prepárase para iniciar unha das fases máis esixentes do campionato na División de Honra Prata, na que se enfrontará a equipos da zona media-lata da táboa.
O primeiro deles, no emblemático Quijote Arena de Cidade Real (sábado, 18:30 horas), é o Balonmano Alarcos, un equipo que a pesar da irregularidade mostrada no inicio de liga "ocupan un puesto que no se corresponde son su plantilla", asegura Quique Domínguez. Ademais "ahora mismo están jugando bien", en progresión e "estoy seguro que van a ir hacia arriba y pelearán por entrar en la fase de ascenso".
A pesar dos virus propios da época que afectaron a varios xogadores durante a semana de adestramentos "estaremos todos a excepción de Jose Rial y Saúl Campo", recoñeceu o técnico pontevedrés.
De feito os adestramentos víronse condicionados ata este xoves, tendo que recorrer a xogadores do filial para completar as sesións.
Os azuis buscarán en Cidade Real a súa oitava vitoria consecutiva na liga, que lles permita manter a espreita ao primeiro posto, nun partido que será arbitrado polos vascos Ansoleaga Torrontegui e Izquierdo Molina.
Relacionadas:
-
Sofre o Teucro pero remonta e gaña a un bo Alcobendas (32-28)
Por Ramiro Espiño & Cristina Saiz |
-
Sufrido e transcendental triunfo do Teucro en Ciudad Real (27-28)
Por Redacción |
-
O Teucro resolve na primeira parte e sestea na segunda fronte a Cajasur Córdoba (37-30)
Por Ramiro Espiño & Diego Torrado |
-
Unha sobria segunda parte permite ao Teucro gañar con comodidade a Gijón Jovellanos (24-33)
Por Redacción |