O Arxil quere trasladar o seu bo momento ás bancadas do CGTD
Por Redacción
O Club Baloncesto Arxil quere trasladar ás bancadas do Centro Galego de Tecnificación Deportiva o bo momento que vive na Liga Feminina 2.
O club pontevedrés, tras un sobresaliente inicio de tempada, ocupa a terceira praza da clasificación con catro vitorias e unha derrota nas cinco xornadas disputadas, e quere manter esa condición de privilexio coa axuda do seu público.
Este sábado (19:30 horas), as verdes reciben na súa cancha o Celta nun derbi que se prevé emocionante. Aínda que as viguesas acumulan un balance de 2-3 en contra, espérase un duelo igualado e ademais cunha carga especial para moitas xogadoras, que militaron nos dous equipos.
O Arxil espera a presenza de afeccionados visitantes e por iso traslada un chamamento aos seus seguidores.
Aínda que a situación é completamente diferente á de pretempada, o choque conta co precedente da Copa Galicia, o pasado mes de setembro, cando o Celta impúxose por un apertado 60-61.
O partido poderase seguir en directo por streaming a trabés da canle da Federación Española de Baloncesto, CanalFEB.tv.
Relacionadas:
-
Un derbi nas alturas da Liga Feminina 2
Por Redacción |
-
O Arxil segue imparable e vence con solvencia ao Celta (77-66)
Por Redacción |
-
O Arxil volve remontar para gañar en Valladolid (55-58)
Por Redacción |
-
Valioso e sufrido triunfo do Arxil na prórroga ante o Lima-Horta Barcelona (72-68)
Por Redacción |
-
Waleska Pérez e Minata Keita, unha parella que promete
Por Diego Espiño |