O Pontevedra B salva un punto 'in extremis' e o Marcón cede un empate en Campo Lameiro
Por Redacción
Non puido ser redonda a xornada do 75 aniversario do Pontevedra, só faltou o triunfo na Xunqueira do filial na visita do San Miguel (1-1).
Os granates salvaron polo menos un punto nun partido que se lles puxo en contra na segundo metade, co gol visitante de Quinteiro aos 63 minutos.
Jaime Castro, no último minuto, fixo a igualada para un Pontevedra B que se sitúa na oitava praza da Primeira Rexional con 9 puntos.
Consulta aquí o acta do Pontevedra B-San Miguel.
Cun punto máis, 10, está un Marcón Atlético que desaproveitou a ocasión de volver cos tres puntos de Campo Lameiro (2-2).
Os locais adiantáronse pasada a media hora, pero mediado o segundo tempo, en tres minutos tolos todo cambiou. Arturo e Pablo deron a volta ao marcador e os locais quedaban en inferioridade pola expulsión do seu porteiro.
Non o puido aproveitar o Marcón, que nos minutos finais viu como o Campo Lameiro empataba cun gol de Novas.