A supercopa galega de waterpolo marcha para Coruña
Por Redacción
Os primeiros títulos da tempada no waterpolo galego escapáronselle ao Club Waterpolo Pontevedra na piscina do Centro Galego de Tecnificación Deportiva.
Alí disputáronse as supercopas galegas masculina e feminina, nas que o club pontevedrés realizou dous bos partidos pero nos que foi superado finalmente polo CW Coruña.
Na final masculina, os de Javi de Sáa cederon por un apertado 8-9 nun choque dominado polos coruñeses no marcador ata o descanso (2-5), pero no que os locais reaacionaron para empatar e chegar con opcións ao cuarto defenitivo.
A falta dun minuto o marcador reflectía un empate a 8, pero un gol en posición dubidosa dentro de 2 metros deu o definitivo 8-9 aos coruñeses. A pesar da derrota o partido deixa boas sensacións no Waterpolo Pontevedra ante o inmimente inicio da liga gallea.
Pola súa banda a final feminina foi dominada con maior claridade polas coruñesas (8-14), pero as locais fixeron un notable partido cun equipo novo e inferior fisicamente.
A xogadora viguesa Carmen desequilibrou o partido con 5 goles e provocando varias expulsións e penaltis.