Discreta xornada en Terceira con empates de Arosa, Céltiga e Villalonga e derrota do Ribadumia
Por Redacción
Ningún triunfo para equipos da comarca na segunda xornada da Terceira División, xornada que con todo reforza ao Arosa tras empatar en casa sen goles ante un dos aspirantes ao play-off, o Cerceda.
O cadro arlequinado non foi capaz de superar aos coruñeses, pero mostrouse firme en defensa e suma xa catro puntos en dous partidos que lle sitúan na parte alta da táboa, concretamente na sétima praza empatados a puntos cos terceiros.
Consulta aquí o acta do partido Arousa-Cerceda.
Tamén empatou sen goles o Villalonga, para conseguir sumar o seu primeiro punto na categoría, que recibiu no campo de San Pedro ao sempre correúdo Rápido de Bouzas.
Os celestes xogaron en superioridade numérica desde o minuto 35 pola expulsión do visitantes Diego Vyetes, pero non foron capaces de atopar o gol. Cun punto na clasificación son décimo sextos tras dúas xornadas.
Consulta aquí o acta do partido Villalonga-Rápido de Bouzas.
O Céltiga conseguiu un valioso empate fóra da casa, ante o Dubra (2-2) nun partido no que tivo na súa man levar os tres puntos, xa que se adiantaron ata en dúas ocasións.
Santi Nogueira adiantaba aos da Illa aos 10 minutos, os locais reaccionaron pronto e Adrián Vázquez facía o 1-2 aos 35 minutos.
Con todo a renda esfumouse ao comezo do segundo tempo e marcador xa non se movería. O Céltiga é agora quinto na táboa con 4 puntos.
Consulta aquí o acta do partido Dubra-Céltiga.
A derrota da xornada foi para o Ribadumia ante o gran favorito da categoría, a SD Compostela e en San Lázaro (3-1).
Os locais dominaron o xogo e o marcador desde o inicio do choque, e aos 6 minutos xa mandaban no electrónico cun gol de Santiago Fernández.
O xogador santiagués repetiría antes do descanso e Diego Rey no 52 sentenciaba ante un equipo aurinegro que só puido marcar o gol da honra nos instantes finais, por medio de David Rodríguez. Con este resultado o Ribadumia queda con 3 puntos na undécima posición.
Relacionadas:
-
Ribadumia e Céltiga "pescan" a domicilio mentres Arosa xoga ben pero non gaña e Villalonga cede en San Pedro
Por Redacción |
-
Cara para o Villalonga, que vence ao Choco (0-1) e cruz para o Ribadumia, superado polo Bergantiños (0-3)
Por Redacción |
-
Ribadumia, Arosa e Céltiga vencen no seu debut ligueiro; o Villalonga cae en Vilalba
Por Redacción |